Verlaag jou bloedsuikervlakke hierdie lente-seisoen
Laat die vars lug, pragtige bloeisels en warm weer jou inspireer om jou bloedsuikervlakke te verlaag. Lente is die perfekte tyd om in aksie te spring en gesonder te leef!
Lees verder om uit te vind hoe jy hierdie lente jou bloedsuikervlakke kan laat daal.
-
Oefen buite
Die oefenriglyne vir mense met diabetes is eenvoudig. Jy kan ‘n aktiwiteit teen ‘n matige tempo vir 30 minute doen, vir die meeste dae van die week. Kardio- en weerstandsoefening is die beste om bloedsuikervlakke af te bring.
Lente is die perfekte tyd om jou liggaam aan die beweeg te kry. Geniet die vars lug, die bloeisels en die voëltjies se gesing terwyl jy fiks word. Jy durf dalk ‘n vinnige stappie aan of trap fiets deur jou buurt. Watter oefening jy ook al kies, buitelugoefening hou baie voordele in.
Sommige voordele sluit in:
Jou geestesgesondheid kan verbeter
Volgens ‘n 2015-studie blyk dit dat ‘n stappie in die natuur jou kan help om kalm te voel en te vergeet van die probleme waarmee jy opgesaal is. Die natuur kan jou aandag aflei van al die spanning in die lewe. Hierdie voordeel is natuurlik veral welkom as jy sukkel met hoë bloedsuikervlakke aangesien stres jou bloedsuikervlakke aansienlik kan verhoog.
Jy kan geld spaar
Om buite te oefen is nie net goed vir jou geestesgesondheid nie, maar jy kan ook kostes sny. Jy hoef nie vir ‘n peperduur lidmaatskap by ‘n gimnasium te betaal nie. Jy kan eerder in die natuur oefen.
Jy mag harder oefen
As jy buite oefen is die kanse goed dat jy langer sal oefen. In een studie het bejaarde volwassenes wat buite geoefen het, ongeveer dertig minute meer oefening gedoen as dié wat net binnenshuis geoefen het.
-
Nooi lente binnetoe. Tyd vir ‘n lente-skoonmaak!
Lente-skoonmaak is ‘n tradisie wat eeue gelede terugdateer toe mense hul vensters oopgemaak het om vars lug in te laat en die helderder dae benut het om hul huise deeglik skoon te maak. Lente is ‘n tyd van vernuwing. Dit is tyd om enige onnodige items uit te gooi en die seisoen met ‘n vars en netjiese leefruimte te begin.
Miskien moet jy dit oorweeg om jou huis hierdie lente deeglik skoon te maak. Nie net sal jy ‘n silwerskoon huis hê nie, maar dit sal ook goed wees vir jou gesondheid. Daaglikse aktiwiteite, soos skoonmaak, kan jou bloedsuikervlakke verlaag.
Probeer hierdie lente-skoonmaak wenke:
Maak jou yskas skoon
Maak jou yskas skoon en vervang enige slegte kos met veselryke kos. Jy kan aspersies, appelkose, ertjies en bessies in jou yskas verkoel en later geniet. So kan jy jou gesondheid ‘n hupstoot gee.
As jy gereeld kosse ryk aan vesel eet, sal dit help om jou bloedsuikervlakke stabiel te hou. Begin hierdie seisoen deur vars vrugte en groente te eet en staan diabetes teë.
Herorganiseer jou diabetesvoorrade
Herorganiseer jou medisynekas en noodvoorrade sodat jy kan vind wat jy nodig het, wanneer jy dit nodig het. Maak ook seker dat jy al jou nodige medikasie en aanvullings het.
As jy dit nog nie gedoen het nie, kan jy Manna Blood Sugar Support by jou voorrade voeg. Hierdie produk het duisende mense gehelp om hul bloedsuikervlakke te stabiliseer. Manna Blood Sugar Support is heeltemal organies en kan saam met ander medikasie geneem word.
Hoe werk Manna Blood Sugar Support? Wanneer dit saam met jou maaltyd geneem word, sal die aanvulling die tempo waarteen glukose in jou bloedstroom vrygestel word, verlaag. Hierdie produk help om die glukemiese indeks van die kos wat jy eet met tot 43% te verminder.
-
Begin ‘n buitelug-stokperdjie
Dink daaraan om een van hierdie buitelug-stokperdjies uit te probeer:
Durf ‘n staptoer aan
Staptoere is ideaal vir individue met diabetes of prediabetes. Dit is ‘n minder strawwe opsie in vergelyking met ander oefeninge, maar jy kan wel ongeveer 250 kalorieë per uur verbrand, wat help om bloedsuikervlakke te reguleer.
Begin tuinmaak
Jou tuin kan jou buite-gimnasium wees. Tuinmaak kan ‘n goeie manier wees om aktief te bly want jy kan baie spiergroepe gebruik terwyl jy strek, buig, lig, trek en druk.
Gereelde fisiese aktiwiteit en oefening kan help om bloedsuikervlakke te beheer, en tuinmaak is ‘n aktiwiteit wat beide fisiese aktiwiteit en stresverligting bied.
-
Nog ‘n paar wenke vir die lente
Praat met jou dokter oor allergiemedikasie
Baie mense neem allergiemedikasie om simptome soos waterige oë en ‘n loopneus gedurende die lente-seisoen te verlig. Hierdie medikasie kan egter jou bloedsuikervlakke beïnvloed. Pasop vir die moontlike newe-effekte van die volgende medikasie:
- Antihistamiene kan jou lomerig maak en dit moeilik maak om te reageer op veranderinge in jou bloedsuikervlakke.
- Dekongestante kan bloedsuiker, bloeddruk en jou hartklop verhoog.
Dit is die beste om met jou dokter te praat voordat jy hierdie medikasie neem.
Smeer sonskerm aan
Al is die son dalk gedeeltelik agter die wolke, is dit steeds moontlik om te brand as jy vir ‘n lang tydperk aan sonstrale blootgestel word. Die brandende sensasie op jou vel kan stres veroorsaak wat dan jou bloedsuikervlakke kan verhoog. Smeer altyd sonskerm aan.
Dra die regte skoene
As jy aan diabetes ly, loop jy ‘n groter risiko om ‘n voetinfeksie op te doen of te sukkel met bloedsirkulasie.
Hier is ‘n paar wenke om te help met goeie voetgesondheid:
- Dra gemaklike drafskoene wanneer jy stap of hardloop
- Dra gemaklike skoene wanneer jy ‘n staptoer aandurf
- Gebruik visplakkies of sandale wanneer jy swem – al staan jy net langs die swembad
- Inspekteer jou voete gereeld en gee aandag aan enige skrapies of blase
Samevatting
Geniet alles wat die lente-seisoen bied en laat die vars lente lug jou inspireer om jou bloedsuikervlakke te verlaag. Spring in aksie! Oefen buite, maak jou huis skoon en begin ‘n buitelug-stokperdjie. Lente is sowaar die seisoen van beter gesondheid!
