Free Shipping

Get free shipping on all orders above R550. *South Africa Only

Natural and Organic

All our ingredients are non-GMO, sustainably sourced and natural

More on Health?

Hundreds of fascinating articles on solving different health problems.

Excellent savings

Sign up to our newsletter for weekly specials and vouchers

 chevron_left chevron_right

Wat kan jy verwag?

Wat is Diabetes? Die verskil tussen tipe 1 en 2

Wat is die simptome van Diabetes

Leer hoe om bloedsuikervlakke te reguleer

Artikels

10 Betroubare Maniere Om Gewig Te Verloor En Steeds Genot Uit Die Lewe Te Put

by Freda Coetzee

10 Betroubare Maniere Om Gewig Te Verloor En Steeds Genot Uit Die Lewe Te Put

Daar is ‘n magdom vreemde advies rondom gewigsverlies daar buite Die bou van nuwe gewoontes kan nogal intimiderend wees. Het jy geweet dat jou brein aangename ervaringe onthou? Jy sal meer geneig wees om gewoontes te bou rondom dinge wat jou gelukkig maak. Gesonde gewoontes, wat jou help om gewig te verloor, kan jou ook genot bied. As jy gewoontes rondom gewigsverlies lekker maak, sal jy langer by die gewoontes kan hou en so sal jy daardie ekstra gewig kan afskud. Lees verder om uit te vind watter gewoontes jou sal help om daardie ekstra kilogramme te verloor. Hier is tien beproefde maniere om gewig te verloor wat jy in jou daaglikse lewe kan implementeer… 1. Eet stadig Wanneer jy kos kou, probeer om al die geure en verskillende teksture te geniet. Kou behoorlik en doelbewus. Smul aan jou kos. Dit neem tyd om agter te kom dat jy vol is. Om stadig te eet, sal jou liggaam die nodige tyd gee om te registreer dat jy versadig is. Om tyd te neem om elke happie te geniet, sal jou help om nie te ooreet nie. 2. Geniet jou kos Om gesond te eet kan lekker wees. Voeg ‘n verskeidenheid geure en teksture by jou dieet. Probeer nuwe en interessante resepte. Eksperimenteer met speserye. Geniet dit om kos te maak met bestanddele waarvan jy hou. 3. Eet in ‘n spesifieke plek Wanneer jy voor die TV of skootrekenaar of in jou motor eet, is dit moeilik om bewus te wees van wat jy alles eet. Probeer om ‘n spesifieke plek in jou huis te allokeer waar jy net eet. Sodoende kan jy sonder afleidings, by ‘n tafel gaan sit en op jou maaltyd fokus. Dit sal help om bewussyn te skep rondom wat jy elke dag eet. Nie net sal jy meer bewus wees van wat jy daagliks eet nie, maar as jy op ‘n spesifieke plek elke dag eet, sal dit jou ook help om by ‘n eetskedule te hou. Dit is belangrik om nie maaltye oor te slaan nie. Wanneer jy maaltye oorslaan, sal jou liggaam sy bes probeer om soveel moontlike energie te kry en jy sal dalk ‘n eetlus opbou vir koolhidrate en lekkers. Jy kan jou lus vir suiker smoor – gee jou liggaam die energie wat dit nodig het deur konsekwent gesonde maaltye te geniet. 4. Sny kalorieë en geniet meer geur Gebruik bestanddele met skerp reuke en skerp geure. Wanneer jy byvoorbeeld die hoeveelheid kaas wat jy in ‘n maaltyd gebruik verminder, kan jy kaas met ‘n skerper aroma kies bo een met ‘n sagter geur, so kan jy kalorieë verminder en steeds die ryk geur van kaas geniet. 5. Skryf in ‘n joernaal Wanneer jy meer bewus word van jou emosies, kan jy “emosionele ooreet” vermy. Joernaalinskrywings is ’n goeie manier om bewustheid te kweek rondom jou innerlike wêreld. As jy bewus is van hoe jy voel, sal dit makliker wees om groot emosies te hanteer in plaas daarvan om hulle te onderdruk deur te eet. 6. Drink meer water Drink ongeveer ‘n halwe liter water voordat jy eet. Dit kan jou metabolisme ‘n hupstoot gee en jou minder honger laat voel. Jy kan altyd suurlemoene, komkommers of eetbare blomme by jou water voeg vir geur en kleur. 7. Eet meer groente Vul die helfte van jou bord met groente, ‘n kwart met graan en ‘n kwart met proteïene. Daar is ‘n groot verskeidenheid groente om van te kies wat wonderlike variasie by maaltye kan skep. Jy kan die pragtige patrone van romanesco-broccoli geniet of pak choi en pastinaak probeer. 8. Begin waar jy is Om te probeer gewig verloor, kan oorweldigend voel – daar is soveel goeie gewoontes om te implementeer en slegte gewoontes om te laat vaar. Jy hoef nie al jou gewoontes op een slag te verander nie. Die beste manier om te begin is om eerstens te evalueer waar jy is en dan een, klein stappie nader jou doelwit te neem. As jy ‘n meestal deur die dag stilsit, moenie jou eerste oefensessies afskop deur elke dag ‘n strawwe roete van 5 km te hardloop nie. Begin klein. Probeer elke dag vir vyf minute stap. Vier jou klein oorwinnings en binnekort sal jy vinnig en ver kan hardloop. 9. Geniet vrugte-nageregte ’n Heerlike manier om te verseker dat jy jou daaglikse kwota vrugte eet, is om met vrugte te eksperimenteer vir nagereg. Vrugte is ryk aan voedingstowwe en bevat baie vesel. Jy kan klapperroom, lychees en frambose probeer met ‘n bietjie vanielje of geroosterde perskes met amandels. Vrugte kan gebak, gerooster of gevries word en dit gee wonderlike geure en kleure aan enige gereg. 10. Kry genoeg slaap Onvoldoende slaap kan ook jou eetlus verhoog, aangesien jou liggaam meer ghrelien produseer. Ghrelin is jou hongerhormoon, en met verhoogde hoeveelhede sal jy ‘n eetlus opbou vir koolhidrate en soetgoed. Om genoeg rus te kry, sal help om jou hormone te balanseer en jy sal gesonder keuses kan maak. Samevatting Om meer groente te eet, te oefen en genoeg slaap in te kry, kan jou help om gewig te verloor. As jy hierdie gesonde gewoontes wil implementeer, probeer om dit lekker te maak en jy sal meer geneig wees om ‘n gesonde leefstyl te handhaaf en daardie ekstra kilogramme te verloor.

Read more

10 Diabetes Komplikasies

by Freda Coetzee

10 Diabetes Komplikasies

As jy diabetes het, kyk uit vir die volgende gesondheidskomplikasies Diabetes kan baie ernstige gesondheidsprobleme veroorsaak. As jy nie waaksaam is nie, kan diabetes lei tot hart- en bloedvatsiekte, amputasie, blindheid en chroniese niersiekte (CKD). Gelukkig is die ontwikkeling van gesondheidskomplikasies nie onvermydelik nie, daar is baie wat jy kan doen om hul aanvang teë te werk. 10 algemene diabetes komplikasies Hartsiekte Die term “hartsiekte” verwys na verskeie tipes harttoestande en is ‘n baie algemene diabetes komplikasie. Die mees algemene tipe hartsiekte is koronêre arteriesiekte, wat die bloedvloei na die hart beïnvloed. Verminderde bloedvloei kan ‘n hartaanval veroorsaak. Jou dokter sal gereeld jou bloeddruk kontroleer en kan ook ‘n klein bloedmonster neem om vlakke van LDL-cholesterol en trigliseriede te kontroleer. Beroerte Simptome van beroerte sluit in swakheid aan die een kant van die gesig of liggaam, gevoelloosheid in die gesig, arm of been, probleme met praat, probleme om met albei oë te sien, of duiseligheid. As jy hierdie simptome ervaar, moet jy dadelik jou dokter skakel. Niersiekte (diabetiese nefropatie) As jou niere beskadig is, het jy niersiekte. Dit is ‘n baie algemene diabetes komplikasie aangesien een uit elke drie diabeteslyers die siekte ontwikkel. Die meeste mense wat vroeë stadiums van niersiekte het, toon geen simptome nie. Jy moet ten minste een keer per jaar ‘n urientoets kry om te kyk vir niersiekte. Jou gesondheidsorgverskaffer sal ook jou bloeddruk nagaan aangesien hoë bloeddruk ook jou niere beskadig. Jou bloeddruklesing moet minder as 130/80 wees. Senuweeskade (diabetiese neuropatie) Permanente hoë bloedsuikervlakke sal jou senuwees beskadig. Die senuwees wat eerste beskadig word, is gewoonlik in jou arms, bene, voete en hande. Jou vel kan brand of jy kan pyn en gevoelloosheid in jou ledemate ervaar. Jou dokter moet jou voete ten minste een keer per jaar deeglik ondersoek om te kyk vir senuweeskade. Oogskade (diabetiese retinopatie) Diabetes kan bloedvate in die retina beskadig en dit kan sigverlies en blindheid veroorsaak. Die vroeë stadiums van diabetiese retinopatie is gewoonlik asimptomaties, daarom is dit belangrik vir mense met diabetes om jaarliks ’n oogarts te sien. Jy kan jou visie beskerm deur vroeë diagnose en behandeling. Gastroparese Gastroparese is ‘n toestand waar die spiere in jou maag nie normaal beweeg nie. Dit vertraag die leëmaak van die maag. Praat met jou dokter as jy simptome soos braking, naarheid, opgeblasenheid, maagpyn, verlies aan eetlus of gewigsverlies ervaar. Erektiele disfunksie Diabetes verhoog jou risiko vir erektiele disfunksie. Gereelde oefening en die afskaf van rook kan help om simptome te verbeter. Velprobleme Ongeveer een derde van mense met diabetes ervaar velprobleme. Hoë bloedsuiker bevorder bakterieë en swamme. Die meeste toestande kan effektief behandel word. Infeksie Hoë bloedsuikervlakke verswak jou immuunstelsel. Infeksies wat aanhou of herhaal kom kan 'n teken van diabetes wees. Tand- en mondprobleme Verswakte witbloedselle kan infeksies in die mond veroorsaak. Gereelde besoeke aan die tandarts is belangrik. Hoe vertraag ek die aanvang van diabetes komplikasies? Hou jou bloedsuikervlakke stabiel. Volg die ADA se teikens van 80-130 mg/dL voor etes en onder 180 mg/dL na etes. Leefstylveranderinge sluit in: Eet heel kosse Vermy hoë-GI-voedsel Oefening Hou op rook Laat gereelde toetse doen om komplikasies vroegtydig op te spoor. Urientoets vir niersiekte (1x per jaar) Voetondersoek vir senuweeskade Jaarlikse oogondersoek Kardiale kontroles Let op vir tekens van gastroparese, erektiele disfunksie, velprobleme en infeksies Tandarts besoeke Wat is Manna Blood Sugar Support? Manna Blood Sugar Support is ‘n natuurlike aanvulling gemaak van die Prosopis-peul. Dit help om suiker stadig in die bloedstroom vry te stel en voorkom bloedsuiker-spyke. Gebruik dit saam met ‘n gesonde dieet soos dié wat in die GRATIS Manna Dieet e-boek beskryf word. Neem een of twee tablette met elke ete om jou bloedsuiker te stabiliseer.

Read more

4 Wenke vir ‘n Gesonde Braaidag

by Freda Coetzee

4 Wenke vir ‘n Gesonde Braaidag

Vir Suid-Afrikaners is braai deel van ons erfenis – ‘n tyd van saamwees en lekker kos. Maar dit is nie altyd so gesond nie. Op hul eie is biefstuk en tjoppies nie noodwendig ongesond nie. Dis die manier waarop ons dit voorberei, wat ons daarmee saam eet, en natuurlik die drankies, wat ‘n verskil maak. Geprosesseerde vleise soos wors en "cheese grillers" hou wel gesondheidsrisiko’s in, insluitend hartprobleme. 4 Gesonde Braaiwenke: Gesonde Vleis: Gebruik maer vleis soos hoenderborsies, vark- of beesfilet. Sny vet af voor jy braai en vermy geprosesseerde wors met hoë vet- en soutinhoud. Vis is ‘n uitstekende keuse. Gesonde Marinades: Maak jou eie marinade om suiker, sout en preserveermiddels te vermy. Gebruik vars bestanddele soos kruie, suurlemoen en olyfolie. Geur: Kies vars speserye sonder sout en preserveermiddels. Probeer die Manna Mix: 7.5ml elk fyngemaakte koriander, paprika, en droë roosmaryn 15ml elk droë tiemie en origanum 5ml koemyn, olyfolie, en suurlemoensap Gebruik dit op hoender of vleis. Gesonde Bykosse: Vul jou bord met groente. Roosterpepers, uie, en ander groente in foelie op die kole. Maak groente-sosaties, of ‘n vars slaai of vrugteslaai. Vermy: Bykosse met hoë koolhidrate soos aartappelslaai, gebakte aartappels, knoffelbrood en pasta. Wil jy hierdie somer gewig verloor? Probeer die Manna Weight Loss Program in die gratis Manna Dieet E-boek. Dit het duisende mense al gehelp. Manna Low GI Shake: Hierdie shake help om drange en oormatige insulienproduksie te beheer. Dit kom in drie geure en kan 1 tot 2 maaltye per dag vervang. Die shake bevat ses veselryke, proteïen- en mineraalryke bestanddele soos kalsium, magnesium en kalium. Dit onderdruk eetlus, versadig langer en help bloedsuiker beheer. Dit is glutenvry, laktosevry, bevat geen kunsmatige versoeters of preserveermiddels nie, en is geskik vir vegans, vegetariërs en diabete. Voordele van Manna Low GI Shake: Ryk aan vesel Lae GI Onderdruk drange Vervang maaltye met genoeg voeding Bevat essensiële suikers (glykonutriënte) Geen cholesterol of gluten Verskaf energie sonder gewigstoename Help met bloedsuikerbeheer Organies en natuurlik Begin nou – dit was nog nooit makliker om gewig te verloor nie! Kies jou geur, meng met melk, water of sap, en geniet ‘n volledige ete in ‘n glas.

Read more

6 Verrassende Dinge wat Jou Bloedsuikervlakke laat Wipplank Ry

by Freda Coetzee

6 Verrassende Dinge wat Jou Bloedsuikervlakke laat Wipplank Ry

Mense wat met tipe 2-diabetes leef, weet hoe onstabiel bloedsuikervlakke kan wees. Jou bloedsuikervlakke kan opskiet en weer vinnig val. Stygende bloedsuiker vlakke kan naarheid en braking tot gevolg hê of kan jou kort van asem laat. Wanneer vlakke drasties daal, kan dit verwarring, duiseligheid, probleme met visie, bewusteloosheid of selfs die dood veroorsaak. As jy jou bloedsuikervlakke stabiel wil hou, kan jy by ’n diabetesvriendelike dieet hou, gereeld oefen en slegte gewoontes soos rook en te lank stilsit uitskakel. Daar is egter ‘n paar ongewone faktore wat ook jou bloedsuikervlakke laat dobber. Wees op die uitkyk vir die volgende verrassende dinge: Dehidrasie Dehidrasie en diabetes loop hand aan hand. As jy nie genoeg vloeistowwe in jou liggaam het nie, sal jou bloed meer gekonsentreerd word – wat jou bloedglukosevlakke opstoot. Hoë bloedsuikervlakke kan ook veroorsaak dat jy meer gereeld urineer, wat lei tot meer dehidrasie. Vrouens met diabetes moet ongeveer 6,5 glase water per dag drink en mans sowat 8,5. Jy kan komkommerskywe, sitruswiggies, of ‘n bietjie vars lemmetjiesap in jou water sit vir ekstra geur. Ander drankies soos kafeïenvrye kruietee, afgeroomde melk en suikervrye koffie kan jou ook gehidreer hou sonder om jou bloedsuiker op te stoot. Sekere medikasie Steroïede (wat gebruik word om inflammatoriese toestande, outo-immuunafwykings en asma te behandel) is berug om bloedsuikervlakke op te skiet. Ander medikasie soos pille vir geboortebeheer, sekere antidepressante en sommige diuretika kan ook jou bloedsuikervlakke laat styg. Daar is ander medikasie wat ook met jou bloedsuiker inmeng en laer lesings kan veroorsaak. Voordat jy nuwe medikasie neem, of dit nou voorskrifmedisyne is of nie, maak seker jou dokter en apteker weet van jou diabetes. Maak seker dat jou nuwe medikasie nie met jou diabetesbehandeling inmeng nie. Siekte en infeksies Verkoue, griep en infeksies kan jou bloedsuiker tot gevaarlike hoë vlakke stoot. Hormone wat siektes beveg, sal veroorsaak dat meer glukose in jou bloedstroom vrygestel word om die siekte of infeksie teë te staan. Siektes, soos diarree, kan ‘n daling in jou bloedsuikervlakke veroorsaak, aangesien jy nie die nodige voedingstowwe opneem nie. Probeer jou bes om jouself teen siektes te beskerm deur aanvullings te neem wat sal help om jou immuunstelsel te versterk. Jy kan ook ‘n griepinspuiting kry. As jy wel siek word, drink baie vloeistowwe, hou jou bloedsuikervlakke dop en eet gesond. Kafeïen Volgens Mayo Clinic is dit veilig om tot 400 milligram (mg) kafeïen per dag in te neem. Kafeïen kan egter inmeng met die werking van insulien. Dit is die hormoon, insulien, wat glukose uit die bloedstroom na die selle vervoer. As gevolg van die inmenging, kan bloedsuikervlakke styg. Navorsers is egter in twee kampe oor die effek van kafeïen. ’n Studie wat in 2015 in die Journal of Clinical and Diagnostic Research gepubliseer is, meen dat kafeïen dalk kan help om diabetes te bestuur. Al is die navorsing nie eenparig nie, kan jy die effek wat kafeïen op jou bloedsuikervlakke het, monitor. As jy wel baie drankies met kafeïne geniet, en sukkel om jou bloedsuikervlakke stabiel te hou, probeer om jou inname tot die minimum te beperk en kyk of jy in staat is om jou bloedsuiker te stabiliseer. Die dagbreek-verskynsel Wanneer jy slaap, het jou liggaam nie soveel energie nodig nie, maar wanneer jou liggaam homself gereed maak om wakker te word, stel jou lewer gestoorde glukose in jou bloedstroom vry. Dit behoort die vrystelling van insulien te aktiveer sodat die glukose na die selle vervoer kan word. Die probleem is dat mense met diabetes nie genoeg insulien maak nie of insulienweerstandig is. Dit veroorsaak dat glukose in die bloedstroom opbou en dus sal mense met diabetes soggens hoë bloedsuikervlakke hê. Om die effek van die dagbreek-verskynsel in te perk, vermy die eet van suiker- en koolhidraatryke happies voor slaaptyd. Jy kan ook met jou dokter praat om die regte tyd te vind om jou diabetesmedikasie of insulien te neem sodat jy nie soggens met te hoë bloedsuikervlakke wakker word nie. Vroue se menstruasie siklusse Hormonale veranderinge wat net voor ‘n vrou se menstruasietydperk begin, kan ‘n styging in bloedsuikervlakke veroorsaak. As jy agterkom dat jou bloedsuikervlakke ‘n week voor jou tydperk konstant hoog is, kan jy jou bloedsuikervlakke verlaag deur die regte kos te eet. Bly weg van koolhidraatryke kosse en van suiker af. Jy kan ook oefening doen. As jy diabetesmedikasie of insulien neem, praat met jou dokter oor die aanpassing van jou medikasie met die inagneming van jou siklus. Samevatting Daar is baie faktore wat fluktuasies in bloedglukosevlakke veroorsaak. Sommige faktore is bekend om jou suikervlakke op te stoot, maar jy moet ook oppas vir minder algemene faktore soos dehidrasie, die dagbreekverskynsel, die neem van steroïede en jou menstruasiesiklus.

Read more