Wat is bloedsuikervlakke?
Bloedsuiker (of bloedglukose) vlakke wys jou hoeveel suiker (glukose) op daai oomblik in jou bloed is. Wanneer jy kos eet, veral goed soos brood, rys, vrugte of suiker, breek jou liggaam dit af in glukose, wat jou liggaam se hoofbron van energie is.
Wat is die normale bloedsuikervlakke?
Gesonde bloedsuikervlakke vir ‘n volwassene is oor die algemeen tussen 4,0 en 5,5 mmol/L voor maaltye en onder 7,8 mmol/L twee ure na ete. Gedurende die dag moet bloedsuiker gewoonlik tussen 4,0 en 7,8 mmol/L bly. Wanneer jy jou bloedsuiker binne hierdie reeks hou help dit jou liggaam om behoorlik te funksioneer, bly jou energievlakke bestendig en verminder die risiko van langtermyn gesondheidsprobleme.
Jou liggaam beheer bloedsuiker met 'n hormoon genaamd insulien.
Insulien help om suiker uit jou bloed na jou selle te beweeg, waar dit dan vir energie gebruik word. As jou liggaam nie genoeg insulien maak nie of dit nie behoorlik kan gebruik nie, bly jou bloedsuiker te hoog – soos wat met diabete gebeur.
Hoekom is bloedsuikervlakke belangrik?
Jou liggaam benodig net die regte hoeveelheid suiker in jou bloed. Te min, en jy kan moeg, bewerig of selfs flou voel (dit word lae bloedsuiker of hipoglukemie genoem). Te veel, en dit kan jou bloedvate, senuwees en organe mettertyd beskadig (dit word hoë bloedsuiker of hiperglukemie genoem).
Dink aan jou liggaam soos ‘n 5 liter-beker water. Die gemiddelde volwassene het 5 liter bloed in hul liggaam, en in ‘n gesonde volwassene bevat hul bloed ‘n teelepel glukose. Iemand met tipe 2-diabetes sal 2 teelepels hê.
Wat doen hoë bloedsuiker aan jou liggaam?
Konsekwente hoë bloedsuiker, soos ervaar deur mense met tipe 2-diabetes, veroorsaak stadige skade aan baie dele van die liggaam. Maar wat beskadig dit en waar?
- Brein en verstand: verhoogde risiko’s van beroertes en geheueprobleme.
- Oë: beskadig die klein bloedvate in jou oë en kan vaag sig of selfs blindheid veroorsaak (genoem diabetiese retinopatie).
- Hart: verhoog die risiko van hartsiektes, hartaanval en hoë bloeddruk.
- Voete: swak bloedvloei en senuweeskade kan lei tot verlies aan gevoel, sere, of in die ergste geval, amputasie.
- Senuwees: senuweeskade (genoem neuropatie), wat jou tinteling, brand of pyn kan laat voel – dikwels in jou hande en voete.
- Niere: kan die niere se “filters” beskadig wat tot nierversaking lei.
Hoe veroorsaak hoë suiker skade aan jou liggaam?
Hoë suiker in jou bloed tree op soos klein kristalle of suur – dit kan jou bloedvate en senuwees bietjie vir bietjie seermaak, veral as dit nie behandel word nie.
Wat veroorsaak hoë bloedsuiker?
- Eet van te veel suiker of koolhidrate.
- Gebrek aan oefening.
- Stres.
- Siekte of infeksies.
- Sommige medikasie soos steroïede.
- Onvoldoende insulienabsorpsie, soos by tipe 1- en tipe 2-diabete.
- Ongereelde gebruik van diabetiese medikasie.
Hoe kan ek my bloedsuikervlakke natuurlik beheer?
- Eet gebalanseerde, lae GI-maaltye: volgraan, peulgewasse, nie-styselagtige groente, vrugte.
- Beheer porsiegroottes: kleiner maaltye meer gereeld, gebruik handmetode vir porsiebeheer.
- Oefen gereeld: mik vir 30 minute per dag, 5 keer per week – stap, fietsry, swem, weerstandsoefening.
- Bly gehidreer: drink genoeg water, vermy soet drankies.
- Verminder suiker en verfynde koolhidrate: vervang met volvoedsel en hoëveselopsies.
- Voeg bloedsuikervriendelike voedingstowwe by: vesel, magnesium, chroom.
- Goeie slaap: 7–9 uur per nag om insulienreaksie en honger te balanseer.
- Beheer stres: meditasie, asemhaling, natuurstappe, joernaal.
- Gebruik ‘n natuurlike aanvulling: Manna Blood Sugar Support van organiese Mesquite – help bloedsuikerbeheer op ‘n natuurlike manier.
- Monitor jou bloedsuikervlakke: help jou om patrone en snellers te verstaan.
