Warm gloede kan moeilik wees om mee saam te leef om die minste daarvan te sê!
Menopousale warm gloede kan regtig ʼn demper op ‘n mens se dag plaas, of ʼn goeie nagrus in ʼn nagmerrie laat ontaard.
Kom ons gesels bietjie oor warm gloede…
Warmgloede kan enige oomblik skielik opvlam – gewoonlik wanneer ons dit die minste verwag. Dit kan dan skok en angs veroorsaak, wat die warm gloede net verder vererger.
Maar as mens dit behoorlik behandel, kan mens dit kop-eerste aanpak en die warm gloede tot ‘n minimum hou.
Wat presies is warm gloede?
Menopousale warmgloede is ‘n skielike gevoel van hitte wat in sekere dele van die liggaam – of selfs in die hele liggaam – opvlam en gewoonlik veroorsaak dat mens amper dadelik begin sweet. Dit word veroorsaak deur ‘n tydelike verandering in die grootte en vorm van die bloedvate.
Party dames beskryf ‘n “aura” van ongemak wat hulle voel net voordat die warmgloede begin. Warm gloede kan enige tyd van die dag of nag ervaar word, en wanneer dit in die nag gebeur noem ons hulle gewoonlik “nagsweet”.
Hoe lank duur ‘n warm-gloed episode?
Episodes van warm gloede kan enige iets vanaf net ‘n paar sekondes duur, tot en met ‘n paar uur.
Hoe gereeld gebeur hierdie episodes?
Vir party dames gebeur dit net een keer elke paar dae, waar ander ongelukkig genoeg is om dit tot en met 20 keer op ‘n enkele dag te ervaar.
Wat is die simptome van warm gloede?
Die mees algemene simptome van warm gloede sluit in:
- Die gesig wat rooi word soos wanneer mens ernstig bloos.
- Skielike, intense warm-gevoel, meestal in die gesig, nek, arms en bolyf – maar soms regdeur die liggaam.
- Vinnige of onreëlmatige hartklop.
- Sigbare sweet.
- Koue rillings na die warm gloed episode.
- Versteurde slaap.
Watter verdere simptome van menopouse ontstaan weens warm gloede?
Nagsweet, wat die slaap versteur, veroorsaak moegheid en geïrriteerdheid. Dit lei tot ander simptome soos gemoedskommelings, spysverteringsprobleme, hoofpyne, gewigstoename, en seksuele frustrasie.
Wat veroorsaak warm gloede?
Daar is verskeie faktore wat ‘n rol kan speel en warm gloede veroorsaak. Hier is die mees algemene vier:
1. Hormone
Verlaagde estrogeenvlakke beïnvloed die hipotalamus, wat die liggaam laat dink dis oorverhit – en dus sweet veroorsaak.
2. Estrogeen onttrekking
Verminderde estrogeen affekteer neuro-oordragstowwe soos norepinefrien en serotonien, wat weer die liggaam se hittebeheer beïnvloed.
3. Sekere gesondheidstoestande
- Skildklier siekte
- Infeksie
- Vetsug
- Suikersiekte
- Paniekversteuring
- Kanker
- Hyperhidrose
4. Sommige medikasie
- Raloksifeen (osteoporose)
- Tamoxifen (borskanker)
- Gonadotropien-analoë (bv. Nafarelin)
Hoe raak mens ontslae van warm gloede?
Gebruik ‘n natuurlike aanvulling soos Manna Menopouse Support om estrogeenvlakke natuurlik aan te vul. Dit werk effektief oor die langtermyn, maar neem tyd om resultate te wys.
Vir onmiddellike verligting van warm gloede, gebruik die Manna Hot Flush Gel.
Hoe werk dit?
‘n Kombinasie van spesifieke essensiële olies verkoel die liggaam vinnig en natuurlik sonder hormone.
Hoe gebruik ek dit?
Smeer agter op die nek tydens ‘n warmgloed-episode. Indien nodig, gebruik ook op die skouers, onder die arms, voete, of lies vir beter opname.
Wanneer gebruik ek dit?
Gebruik tydens ‘n episode, of voorsorg – soggens en saans.
Wat is die bestanddele?
- Methylsulfonylmethane (MSM)
- Mentha Piperita (Peperment)
- Salvia Sclarea (Clary)
- Lavandula Angustifolia (Laventel)
- Ocimum Basilicum (Basiliekruid)
- Citrus Medica Limonum (Suurlemoen)
- Citrus Aurantium Amara Flower (Neroli)
