Sê Totsiens vir Insulienweerstandigheid!

Vermy diabetes deur jou insuliensensitiwiteit te verbeter

Insulienweerstandigheid, is die voorloper van ‘n diabetesdiagnose. Om met diabetes te leef kan jou lewe ontwrig aangesien jy voortdurend jou dieet moet reguleer en jou bloedglukosevlakke noukeurig moet dophou. Die gesondheidskomplikasies van diabetes kan ernstige gevolge hê. Gelukkig is inulienweerstandigheid omkeerbaar.

Lees verder om meer uit te vind oor insulienweerstandigheid, hoe om te weet of jy insulienweerstandig is en wat jy kan doen om jou insuliensensitiwiteit te verbeter.

Wat is insulienweerstandigheid?

Jou liggaam gebruik glukose as energie. Wanneer jy koolhidrate eet, sal jou liggaam dit afbreek tot glukose en dan die glukose in jou bloedstroom vrystel. Dit sal jou bloedglukosevlakke laat styg.

Wanneer jou bloedglukosevlakke hoog is, sal jou pankreas die hormoon, insulien, vrystel.

Insulien werk soos ‘n afleweringsvragmotor. Dit vervoer glukose vanaf jou bloedstroom na jou selle en wanneer glukose by die selle afgelewer word, keer jou bloedglukosevlakke terug na normaal.

Insuliensensitiwiteit is ‘n term wat gebruik word wanneer jou selle insulien verwelkom en die afgelewerde glukose ontvang. As jy ‘n hoë insuliensensitiwiteit het, sal glukose vinnig van jou bloedstroom na jou selle beweeg.

Insulienweerstandigheid is die term wat gebruik word wanneer jou selle nie goed op die hormoon reageer nie. As jy insulienweerstandig is, sal glukose in jou bloedstroom ophoop.

Die pankreas reageer op die opeenhoping van glukose deur nog meer insulien vry te stel. Jou pankreas pomp nou hope insulien uit en solank die pankreas dit kan volhou, sal jou bloedsuikervlakke relatief stabiel bly.

Maar jou pankreas sal nie kan tred hou met die oormatige produksie van insulien nie. Wanneer dit gebeur, sal jou bloedsuikervlakke chronies hoog wees, en dit is die beginpunt vir diabetes.

Diabetes is ‘n ernstige siekte want die gesondheidskomplikasies kan vernietigend wees. Diabetes kan lei tot hart- en bloedvatsiekte, die verlies van ledemate as gevolg van amputasie, blindheid en chroniese niersiekte wat tot nierversaking kan lei.

Gelukkig is insulienweerstandigheid omkeerbaar. As jy jou leefstyl kan aanpas kan jy die ontwikkeling van diabetes stopsit. Jy kan die aaklige gesondheidskomplikasies van diabetes vermy!

Lees verder om uit te vind hoe om te toets vir insulienweerstandigheid en hoe om jou insuliensensitiwiteit te verbeter.

Is ek insulienweerstandig?

Daar is geen enkele toets wat kan bepaal of jy insulienweerstandig is nie. Dokters sal gewoonlik ‘n verskeidenheid toetse doen. As jy hoë bloedsuikervlakke, hoë trigliseriedevlakke (‘n soort bloedvet), hoë LDL (“slegte”) cholesterol en lae HDL (“goeie”) cholesterol het, is dit moontlik dat jy insulienweerstandig is.

Meer besonderhede oor die tekens van insulienweerstandigheid:

Hoë bloedsuikervlakke: ‘n Vastende glukosevlak van meer as 100 mg/dL (Die toets word soggens gedoen voor ontbyt)
Hoë bloeddruk: Bloeddruklesings van 130/80 of hoër
Hoë trigliseriedevlakke: ‘n Vastende trigliseriedvlak van meer as 150 mg/dL
Lae HDL (“goeie”) cholesterolvlakke: ‘n HDL-cholesterolvlak onder 40 mg/dL by mans en 50 mg/dL by vroue

Hoe kan ek insulienweerstandigheid stopsit?

Daar is baie leefstylveranderinge wat jy kan maak om jou insuliensensitiwiteit te verbeter en insulienweerstandigheid om te keer.

Verloor gewig

Om oorgewig te wees, is die grootste risikofaktor vir diabetes. As jy oorgewig is en daardie ekstra kilogramme kan afskud, sal jy beslis jou insuliensensitiwiteit verbeter. Praat met jou dokter of dieetkundige oor die beste gewigsverliesplan vir jou.

Oefening

Aërobiese oefening en oefening met gewigte kan help om insulienweerstandigheid om te keer. Om jou hart te laat pomp, kan ‘n wonderlike, positiewe effek hê. Oefening met gewigte kan ook voordelig wees aangesien meer glukose nodig is wanneer jy spiere bou. Omdat jou spiere meer energie benodig, sal insulien meer doeltreffend werk.

Jy hoef nie te oefen tot die punt van uitputting nie. Studies het getoon dat ‘n daaglikse stappie van 30 minute jou kan help om insulienweerstandigheid te verminder.

Vermy transvet

Transvet is mensgemaakte vet wat vervaardig word om die raklewe van verwerkte voedsel te verleng. Hierdie kunsmatige vet het ‘n slegte uitwerking op jou hartgesondheid, bloedsuiker en gewig. Baie olies en kitskos bevat transvet. Maak seker jy lees die etikette op voedselprodukte om te kyk of daar bygevoegde transvet is.

Vermy koolhidraatryke kosse en voedsel propvol suiker

Kosse met baie koolhidrate en suiker sal jou bloedsuikervlakke laat styg. Dit is die beste om weg te bly van hierdie kosse om jou insulienweerstandigheid te verlaag.

Voeg kruie en speserye by jou dieet wat help om insuliensensitiwiteit te verhoog

Sommige kruie en speserye kan insuliensensitiwiteit verbeter en help om diabetes te voorkom.

Alhoewel navorsing steeds aan die gang is, vind baie mense die volgende kruie en speserye voordelig:

Kaneel
Fenegriek
Gemmer
Peper
Saffraan
Borrie

Samevatting

As jy insulienweerstandig is, is daar baie dinge wat jy kan doen om jou insuliensensitiwiteit op te stoot. Insulienweerstandigheid is omkeerbaar deur jou dieet te verander – vermy voedsel met baie koolhidrate, suiker en transvet. Jy kan ook oefening doen en gewig verloor. Daar is baie wat jy kan doen om die verwoestende komplikasies van diabetes te vermy.

Wat is Manna Blood Sugar Support?

Manna Blood Sugar Support is ‘n heeltemal natuurlike gesondheidsaanvulling vir die bestuur van bloedsuikervlakke, gemaak van die peule van die Prosopis (Mesquite) boom, en dit het geen negatiewe newe-effekte soos baie chemiese alternatiewe het nie. Help om tipe 2-diabetes te bestuur, drange en insulien weerstandigheid te beheer.

Hoe werk Manna Blood Sugar Support?

Hierdie aanvulling is ‘n organiese en natuurlike manier om bloedsuikervlakke te help balanseer. Dit doen dit deur te “gel” met die kos wat ons eet en dan die suiker van hierdie kosse stadig in ons bloedstroom vry te stel. Daarom moet jy dit altyd saam met kos neem, anders mis jy die wonderlike voordele van Manna Blood Sugar Support en dit sal nie werk soos dit moet nie.

Dit beteken dat dit help om te keer dat die bloedsuikervlakke deur die dak styg nadat jy iets geëet het, en dan natuurlik ook help om die daaropvolgende suiker-vlak daling te vermy.

Dit help jou liggaam om die behoefte te vermy vir die optel van ‘n soet versnapering wat ons ken as ‘n lus. As jy jou bloedsuikervlakke kan stabiliseer en drange kan beheer, maak dit gewig verloor baie makliker.

Wanneer dit saam met kos geneem word, geleer Manna Blood Sugar Support saam met die kos in die maag om die glukemiese indeks van die kos en drank wat jy verbruik met tot 43% te verminder. Dit help dus om te verhoed dat bloedsuikervlakke te hoog styg.

Wat is die voordele van Manna Blood Sugar Support?

Help om gebalanseerde bloedsuikervlakke te handhaaf.
Hou jou meer tevrede ná ’n maaltyd, wat beteken dat dieselfde maaltyd jou baie verder kan neem en veroorsaak dat jy minder eet, wat kan help met natuurlike gewigsverlies.
Help om drange te beheer.
Help om energievlakke konstant te hou.
Gebalanseerde bloedsuikervlakke kan help om diabetiese gesondheids komplikasies te voorkom.