Beveg Inflammasie Deur Puik Buikgesondheid

This article is also available in English

Die klein organismes wat in jou buik leef, beïnvloed hoe goed jy infeksie beveg

Jou dermgesondheid beïnvloed jou immuunstelsel se reaksies. Dit is in jou ingewande, waar jou immuunstelsel in aanraking kom met miljoene klein organismes, soos bakterieë en gifstowwe.

Die hoeveelheid en soort organismes wat in jou derms leef, word bepaal deur die voedingstowwe wat hulle kry. Jy kan inflammasie teëstaan deur die organismes in jou derms goed te voed. Sodoende kan jy siektes soos vetsug, tipe 2-diabetes en hartsiektes voorkom.

Wat leef in jou buik?

Jou derms huisves duisende klein organismes. Hierdie gemeenskap van bakterieë, swamme, virusse en ander mikrobes staan bekend as jou dermmikrobioom.

Die gemeenskap in jou derms is soos ‘n groot stad met inwoners van verkillende rasse en kulture. Daar is byvoorbeeld meer as 1 000 spesies bakterieë wat in jou ingewande woon. In jou dikderm leef die hoogste konsentrasie mikro-organismes op aarde.

Sommige dermbakterieë kan voedsel verteer wat die menslike liggaam self nie kan afbreek nie. In die proses, kan hierdie bakterieë chemikalieë vrystel wat voordelig vir jou gesondheid kan wees maar van die chemikalieë kan jou ook benadeel. Daar is goeie bakterieë en skadelike bakterieë.

Wetenskaplikes is gefassineerd deur hoe jou mikrobioom jou gesondheid beïnvloed. Wetenskaplikes dink dat die bakterieë in jou derms ‘n rol speel in die ontwikkeling van Prikkelbare Dermsindroom en Inflammatoriese Dermsiekte. Hulle kan ook jou lewer beïnvloed en inflammasie help teweegbring. Wat meer fassinerend is, is dat hulle jou angstig of depressief kan laat voel. Die klein derm-inwoners kan ook bydra tot groot gesondheidsprobleme soos die ontwikkeling van vetsug, tipe-2diabetes en metaboliese sindroom.

Wetenskaplikes begin nou eers die aktiwiteite wat in jou derms woel, aan inflammasie koppel. ‘n Gesonde dermmikrobioom bevat gewoonlik ‘n verskeidenheid voordelige bakterieë wat help om jou immuunstelsel gesond te hou en so chroniese inflammasie teë te werk.

Wat is inflammasie?

Inflammasie vind plaas wanneer jou immuunstelsel infeksies veg. ‘n Hoe witbloedseltelling is ‘n indikasie van inflammasie.

Daar is twee tipes ontsteking.

1. Akute inflammasie

Vind plaas wanneer jy skielik seerkry. Jy kan jouself sny of kneus en die warmte, swelling en rooiheid rondom die area is boodskappe wat aan die immuunselle deurgegee word sodat hulle die skade kan herstel.

2. Chroniese inflammasie

Vind plaas wanneer jou immuunstelsel oor ‘n lang tydperk infeksies beveg. Chroniese inflammasie kan baie sleg vir jou gesondheid wees, aangesien dit kan lei tot toestande soos diabetes, vetsug en hartsiektes.

Dit lyk of sekere dermbakterieë ‘n rol kan speel in die oorsaak van chroniese inflammasie en die ontwikkeling van hierdie siektes.

Inflammasie en mikrobes

Jou dermgesondheid, immuunstelsel en dieet beïnvloed mekaar. Sekere inflammatoriese bakterieë, soos Collinsella, floreer in jou ingewande wanneer jy baie verfynde koolhidrate eet.

As jy ‘n Westerse dieet volg, eet jy waarskynlik baie verfynde kosse. Verfynde en verwerkte suikers soos sukrose (tafelsuiker), mieliesiroop met hoë fruktose en agavestroop word in baie kosse aangetref. Verfynde grane het geen veselagtige en voedsame dele nie, aangesien dit verwyder is. Verfynde grane sluit witmeel, witrys en witbrood in.

Wanneer baie verfynde koolhidrate geëet word, produseer sommige dermbakterieë ‘n chemikalie genaamd lipopolisakkaried (LPS). Hierdie chemikalie veroorsaak inflammasie wanneer dit in die bloed opgeneem word. Die ontsteking kan chronies word en lei tot vetsug en tipe 2-diabetes.

Om die flora in jou derms stabiel te hou – te verseker dat die populasie van sekere bakterieë nie eksponensieel groei nie – moet jy ‘n verskeidenheid kosse eet. Vandag se Westerse dieet het ‘n beperkte verskeidenheid kosse om van te kies. Slegs 12 plante en vyf dierspesies word vir 75% van die wêreld se voedselvoorraad gebruik. As jy jou dieet diversifiseer deur meer veselryke kosse en kosse met probiotika in te sluit, kan die verskeidenheid inwoners in jou buik groei.

Een studie het bevind dat mense wat baie vesel geëet het, baie meer diverse inwoners in hul derms gehad het. Verder het die studie gevind dat diegene wat gefermenteerde kosse geëet het, ‘n groot verskeidenheid dermbakteriee gehad het. Verder het hierdie deelnemers ook merkers van inflammasie in hul liggame verminder.

Wat om te eet

1. Eet prebiotika

Jy kan die groei van voordelige bakterieë aanspoor deur veselryke kosse te eet. Eet heel kosse soos vrugte, groente en volgraan sowel as neute. Jy kan jou dermfloraprofiel binne ‘n paar dae verander net deur baie vesel te eet.

Baie kosse, hoog in vesel, bevat prebiotika. Prebiotika is soos kunsmis wat voordelige bakterieë help groei.

Voorbeelde van voedsel wat prebiotika bevat, is:

- - Appels
  - Artisjokke
  - Aspersies
  - Piesangs
  - Gars
  - Bessies
  - Kakao
  - Lynsaad
  - Knoffel
  - Groen groente
  - Preie
  - Peulgewasse (ertjies en boontjies)
  - Hawer
  - Uie
  - Tamaties
  - Sojabone
  - Koring

Sommige produkte het bygevoegde prebiotika, maar jy sal nie noodwendig die woord “prebiotika” op die etiket sien nie. Soek eerder terme soos:

- - Galaktooligosakkariede
  - Fruktooligosakkariede
  - Oligofruktose
  - Sigoreivesel
  - Inulien

2. Eet probiotika

Gefermenteerde kosse soos jogurt, kombucha kefir en suurkool bevat reeds nuttige bakterieë wat kan help om infeksies te voorkom.

Lees meer oor hoekom probiotika werk hier…

Samevatting

Jou immuunstelsel, dermgesondheid en dieet beïnvloed mekaar. As jy ‘n gesonde immuunstelsel en ‘n diverse mikrobioom het, kan jy die ontwikkeling van vetsug en tipe 2-diabetes vermy. Dieet speel ‘n belangrike rol in die diversifisering van jou mikrobioom. Die eet van kosse met baie prebiotika sal die groei van voordelige bakterieë aanspoor. Voedsel met probiotika bevat reeds voordelige bakterieë wat jou immuunstelsel kan help.

Volg die manna spysvertering-gesondheid protokol om dermsgesondheid te herstel…

Kry natuurlike verligting van derm- en spysverteringsprobleme

Manna Gut Support help om bakterie (goeie flora) in jou spysverteringstelsel en om noodsaaklike verteringsensieme te herstel wat help om jou spysverteringskanaal gesond te hou en jou immuunstelsel te versterk.

Wat is Manna GUT Support?

Manna GUT Support is ‘n natuurlike aanvulling wat help om die spysverteringsbakterieë (goeie flora) en noodsaaklike ensieme in die spysverteringskanaal te herstel. Dit help om die gesondheid van die mdermkanaal te verbeter en die immuunstelsel te versterk.

Hoe werk dit spysverterings probleme?

Manna GUT Support herstel die goeie bakterieë en noodsaaklike ensieme in die spysverteringskanaal, help met die verligting van spysverteringskanaal-verwante gesondheidsprobleme, en verhoog die immuunfunksie van die liggaam.

The Manna GUT Support bevat GEEN van die hoof potensiële allergene en bevat ook GEEN bymiddels

Wat is die voordele van Manna GUT Support?

Help om die natuurlike balans in die spysverteringskanaal te herstel
Help om verteringsgesondheid en die funksie van die immuunstelsel te verbeter
Geskik vir gewigsverlies, PCOS, IBS, insulien weerstandigheid, diabetes, candida, onvrugbaarheid, psoriasis, hoë bloeddruk en hoë cholesterol.
Die verskillende bestanddele werk holisties om die mikroörganismes in die spysverteringskanaal te balanseer.
Spysverterings ensieme help met die afbreek van kosse
Probiotika verskaf die ‘vriendelike’ dermflora wat die ingewande beskerm teen skadelike bakterieë, en L-Glutamien help met die vernuwing van die binnekant van die spysverteringskanaal.