Die Eerste Simptome van Tipe 2 Diabetes

Baie mense ly aan tipe 2 diabetes sonder dat hulle dit eers weet. 

Dit is hoekom dit so nood belangrik is om dit in die vroeë stadium raak te sien en vas te vat. 

Hoe vroeër ons dit raaksien, hoe makliker is dit gewoonlik om dit onder beheer te bring en dit effektief te behandel voordat dit ernstige skade verrig. Diabetes kan enige iemand beetkry, so almal moet maar op die uitkyk wees vir hierdie simptome…
In sommige gevalle kan die simptome stadig, oor ‘n lang tyd ontwikkel. Maar in ander gevalle kan dit skielik te voorskyn kom.

Wat ook al die geval mag wees, hier is die 5 mees algemene simptome van diabetes…

1. Konstante dors

Die bogenoemde proses lei tot die dehidrasie van die liggaam, wat sodoende ‘n konstante dors veroorsaak.
Wanneer ons dan meer vloeistof inneem om die dors te les, vererger dit net die urinering soos genoem in die vorige punt. 

2. Gereëlde urinering

Diabetes veroorsaak dat oortollige glukose (suiker) opbou in die bloedstroom. Dit veroorsaak dat die niere harder moet werk om die oormatige hoeveelheid glukose te filtreer en te absorbeer.
As die niere nie kan byhou met die verwerking van al die glukose nie, word die oortollige glukose, sowel as vloeistowwe wat uit die liggaamsweefsel getrek word, uitgeskei deur urinering. Dit veroorsaak meer gereelde urinering as normaal.

3. Onduidelike Visie

Onduidelike visie is dikwels ‘n teken van diabetes. Dit is as gevolg van dehidrasie oor ‘n lang tydperk waar hoë bloedsuiker vlakke die vloeistof uit die ooglense trek. Dit veroorsaak dan dat die oë nie behoorlik kan fokus nie. As dit nie behandel word nie, kan diabetes die retina beskadig en lei tot verswakte visie of self blindheid.

4. Moegheid

Dit is so ‘n moeg, uitgeputte gevoel waar jy fisies en soms selfs emosioneel swak voel. Dit word veroorsaak deur meer as een faktor.
Faktore sluit in: die konstante urinering en daaropvolgende dehidrasie, asook die liggaam se onvermoë om te werk soos dit moet omdat suiker nie behoorlik gebruik word om energie te produseer nie. 

5. Brandende of seer voete

As dit voel asof jy op kole loop of asof jy heeldag op spykers gestaan het, kan dit ‘n baie duidelike teken wees van diabetes en diabetiese senuwee skade.

Raad vir brand voete…

Watter ander simptome van diabetes is daar? 

• Droë mond

Dit is nog ‘n gevolg van die dehidrasie soos voorheen genoem, waar die gebrek aan vloeistof in die liggaam lei tot ‘n droë gevoel in die mond.

• Onverklaarbare Gewigsverlies

Diabetes lyers verloor soms gewig, selfs al eet hulle die heeltyd. Dit lei tot gewig veranderings waar mens die heeltyd gewig verloor, dit optel, weer verloor, en so duur dit dan voort.

• Hoofpyn

Diabetes kan weens verskeie redes (Dehidrasie, oog probleme,. bloeddruk, ens.) gereeldehoofpyn veroorsaak.

• “Vrugtige” Asem

Omdat suiker nie behoorlik in die selle opgeneem word weens die ondoeltreffendheid van insulien nie, gebruik die liggaam eerder vet om energie te produseer. ‘n Spesifieke tipe ketoon, asetoon, veroorsaak dat die asem ‘n “vrugtige” reuk het, amper soos dié van naellak verwyderaar.

• Altyd Honger

Dit is veral duidelik as mens nog honger is selfs direk na ‘n maaltyd.
Insulien help met die vervoer van glukose na die liggaamselle. Wanneer die selle meer bestand is teen insulien, kan glukose nie die selle bereik nie en word die selle van glukose en ontneem. 

• Stadige Genesing van Sere en Kneusplekke

Dit is as gevolg van die hoë bloedsuiker vlakke wat die senuwees beskadig en dan sodoende die bloedsomloop verswak. Dit kan veral opgemerk word op die bene en voete.

• Gis infeksies

Diabetes kan baie infeksies soos gis infeksies, vel infeksies, urine infeksies, of tandvleis- en mond infeksies veroorsaak. Dit is as gevolg van diabetes wat die bloedsomloop en senuweestelsels beskadig.

• Jeukerige Vel

Die mees algemene vorm van hierdie jeukerigheid kom gewoonlik in die vaginale- of lies-gebied voor. Oorsake van die jeuk kan infeksie, droogheid, of swak bloedsomloop wees. 

• Prikkelbaarheid

Dit word veroorsaak deur die veranderinge in bloedsuiker vlakke, siende dat dit dikwels kan buierigheid of selfs net ‘n verandering in ‘n mens se bui veroorsaak.

• Gevoelloosheid of Tinteling in die Ledemate

Hoë bloedsuikervlakke kan ‘n tintelende gevoel in die arms, bene, hande, en voete veroorsaak as gevolg van skade aan die senuweestelsel. Dit staan bekend as neuropatie. Hierdie simptoom verskyn dikwels eers na ‘n paar jaar, en as dit dan dus een van jou simptome is beteken dit jy moet DRINGEND iets aan jou bloedsuiker vlakke doen.

• Erektiele disfunksie of impotensie

Tipe 2-diabetes kan seksuele verwante probleme veroorsaak wat die seksdrang beïnvloed, erektiele disfunksie by mans veroorsaak, en probleme, ongemak of pyn tydens seks vir vroue veroorsaak.
Dit is weereens weens beskadigde senuwee- of bloedsomloop stelsels wat tydens seksuele omgang belangrik is.

• Vel Probleme

As gevolg van die dehidrasie is vel irritasie baie algemeen. Bakteriese infeksies en swam infeksies is algemene probleme onder diabetes lyers.

Wat moet ek doen as ek een of meer van hierdie simptome het?

As jy hierdie simptome ervaar is dit tyd om dringend aksie te neem en jou bloedsuiker vlakke onder beheer te kry! Dit help dan om diabetes met al sy simptome te bestry deur die wortel van die probleem aan te spreek. Hoe beheer ek my bloedsuiker vlakke? Die beste manier om jou bloedsuier vlakke onder beheer te kry is deur gesonde, volhoubare leefstyl besluite te neem en daarby te hou. 

Gratis Diabetes eBoek vir meer hulp

Om jou te help om diabetes beter te verstaan, en om jou te help on dit onder beheer te kry, laai ons gratis Diabetes eBoek af. 

Hoe kan ek my bloedsuiker vlakke onder beheer kry?

• Eet reg en gesond

Maak seker jy kry ‘n groot verskeidenheid in om jou doelwit te bereik sonder om smaak of voedingswaarde prys te gee. Laai die gratis Manna Dieet e-Boek af vir al die inligting, spyskaarte, en resepte om jou te help om jou gewigsverlies teiken te bereik.

• Kry genoeg van die regte oefening

Probeer om ten minste 30 tot 60 minute matige fisiese aktiwiteit minstens 4 dae ‘n week te doen. Moenie meer as twee dae laat verbygaan sonder om te oefen nie, want oefening is een van die beste maniere om bloedsuikervlakke te beheer en bloedsirkulasie te verbeter. Jy hoef nie ure in die gimnasium deur te bring nie; jy kan bloot vinnig gaan stap, fietsry of ‘n paar lengtes swem. Indien jy nie tyd het vir ‘n lang oefensessie nie, kan jy dit in kleiner sessies deur die loop van die dag verdeel. Ons stel voor dat jy twee keer per week weerstandsoefening, soos gewigoptel, by jou roetine insluit.

• Neem Manna Blood Sugar Support 

Neem net Manna Blood Sugar Support saam met elke ete – dit is seker die maklikste wenk en mees effektiewe wenk.